As anguías

Tamén teño collido anguías, hoxe non as haberá pero daquela habíaas. Tiñas que pasar moito tempo, saían ao mediodía dos cotos. Sentábame coa canaveira na presa de Rexo, sen présa, ao mediodía, mentres meus pais descansaban.

Outro día collemos unha coas mans, non tiñamos outra cousa. Estabamos dous rapaces no muíño que hai entre o de Gabriel e o do Muxico, vimos unha anguía no cano que chega ao muíño, e atrancamos as dúas entradas para que non puidera escapar. Estivemos pelexando para coller aquela anguía, mecagoendiola! Botamos alí toda a tarde. Collémola ao final. Chegamos afónicos á casa, de estar tanto tempo chapuzando na auga.

 

 

 

Anuncios