A radio

cropped-radio-logo.jpg

  A radio axudounos a que as noticias e o mundo exterior chegasen até a parroquia.

A primeira radio que chegou á Nabeira sería polo 1952. Era un aparato grande con válvulas, e puxémola na cociña nun moble que fixo a posta meu pai.

Lembro que meu irmán escoitaba a Pirenaica, así coa orella pegada ao aparato, moi baixiño. Ás veces non a pillabas, tiña a frecuencia moi fina, non podías mover moito a agulla. Era unha emisora clandestina do Partido Comunista que estivo prohibida en España. Nunca se sabía dende onde emitían, había quen dicía que era dende Rusia e outros dende Andorra. O certo é que emitía dende Moscú e logo dende Bucarest.

  Coas primeiras radios xuntabámonos toda a veciñanza nunha casa. Había un programa musical, Noite de estrellas ou calquera outra cousa así. Eu ficaba encima dun chineiro mirando fixamente a radio, quedaba hipnotizado. Os demais cativos preguntaban, que estas mirando?, e eu dicíalles aquí estou ben, estou vendo como están bailando.

  Logo había un home no Vilariño que facía radios, as montabaas el e ademais facíachas máis amañadas de prezo. Fixo unha para nós.

  Até a chegada da radio non había música gravada que escoitar nas casas, así que con aquilo aprendiamos cancións e imaxinabamos outros mundos e vidas fóra da parroquia. Miña nai ensinoume a bailar coa música da radio na cociña.

  A Frecuencia Modulada chegaría un pouco despois, ben entrados os anos 60. Foi cando apareceron os transistores. A radio fíxose persoal e móbil. Xa era máis pequena, poñíaslle pilas que comprabas no Cruceiro, e levábala de acó para aló. Lémbrome do meu pai ir con ela no tractor, de poñer música mentres recolliamos as patacas na leira, e da miña irmá cantando coma un xílgaro a do Emigrante de Antonio Molina, mentres se poñía guapa para ir ao baile.

 

 

 

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s